Лимитирана серија на гроздова ракија добиена со дестилација на вино од трпезната сорта Викторија, зреена 24 месеци во француски дабови буриња со капацитет од 400 литри. Се одликува со златно-жолта боја со килибарна нијанса, богата комплексна арома на сортата во комбинација со дрво и ноти на дим и ванила, со полн долготраен и слаткаст вкус.

Комплексно, меко и елегантно на вкус, изобилува со цветни и овошни ароми, предводени од препознатливата Виљамовка, надополнети со поттонови на жолто есенско овошје. Сочноста на зрелата круша допринесува за свиленкаста текстура и создава нежна сладост на палетата која поминува во чист и долг завршеток.

Подготвена е од квалитетно одгледано демиркаписко грозје од сопствените лозови насади, без додадени вештачки адитиви и ароми, без конзерванси и вештачки супститути на шеќер. Во неа се зачувани сите особини, автентичност и својства на грозјето.

Кристално бистра ракија, со богат и пријатен мирис. Препознатлив вкус уште при првата голтка.